Djarason mainta a registrá e di dos asesinato pa 2017. Francisco Zabala Chirino nase na Venezuela dia 6 di sèptèmber 1987 a keda asesiná awe mas o ménos 7:40 di mainta den kurá di un kompleho di apartamentu na Providenciaweg na Buena Vista. Na yegada di polis a haña un hòmber ku diferente herida di bala na su kurpa ku i no tabata duna señal di bida. Un investigashon prelimar ta mustra ku un hòmber a yega na e kompleho di apartamentu i miéntras e tabata sinta den outo ainda, el a keda sorprendé dor di dos hòmber ku a kuminsá tira dirigí. E hòmber a sali for di e outo i a purba kore bai den direkshon di e apartamento nan, pero a keda pèrsigui pa un di e sospechosonan ku a keda tira riba dje. Segun polis a konsekuensia di e tirunan ku a haña, el a kai den e kura kaminda a bin hañ’é. A konfiská e kurpa di e víktima pa mas investigashon.