
Segun sifranan di agensia di prensa Bloomberg, aña 2016 a kuminsá un poko malu pa e multimionarionan. Na febrüari di aña pasá e fortuna di esnan mas riku na mundu a baha ku 382 mil mion dòler.
Na novèmber, despues ku a skohe Donald Trump komo e presidente merikano, e kambionan di bolsa a subi i e kapital di e multimionarionan tambe. Pa e konosido invershonista Warren Buffett tabata un bon aña. Su interes na banko i den kompanianan di aviashon a subi na balor despues ku a skohe Trump. Su kapital total a subi ku 19 porshento i bira 74.1 mil mion dòler.
Multimionarionan merikano a mira nan fortuna subi konsiderabel. E franses Bernard Arnault, fundadó di Louis Vuitton Moët Henness, tabata e úniko ku no ta merikano den e grupo. Bill Gates ta keda e hòmber di mas riku na ku un fortuna di 91.5 mil mion dòler. Warren Buffett ta sigui na di dos lugá i nan tras tin Amancio Ortega. Ortega ta doño di Inditex ku negoshi den bendementu di paña i ku un fortuna di 71.2 mil mion dòler, e ta e hòmber mas riku di Oropa.