Siman desisivo pa Miss Universe Curaçao, Chanelle de Lau.


Djadumingu 31 di yanüari pa 8or di anochi Miss Universe 2016 ta yuma lugá, pues e siman desisivo a kuminsá. Den un komunikado, Coridja Stars ta bisa ku nan ta sumamente orguyoso di e manera kon nos Miss Curaçao, Chanelle de Lau ta representrá Kòrsou na Manila, Filipinas. Durante e siman tras di lomba tabata tin varios aktividat ku e la partisipá na dje, entre otro Governors Ball, tambe el a bishitá Cebu, Pico de Loro i Batangas, kaminda e por a sera konosí ku e kultura Filipino.

Coridja Stars a tuma nota ku Chanelle ta un di e faboritonan riba diferente pagina sosial. E aña akí e organisashon di Miss Universo a trese algun kambio. Di e 89 partisipantenan lo skohe 12 finalista, sigui pa 6 i pa final yama 3 dilanti. For di e tres kandidatanan ku lo keda te na final, lo skohe e Miss Universe 2016.

Pa Coridja Stars, Chanelle a demostrá kaba ku e ta disponé di e kualidatnan pa trese e korona kas, p’esei ta invitá hinter pueblo pa vota masal pa Chanelle. For di djaluna 23 di yanüari 2017 por vota i por vota te un máksimo di 10 biaha pa dia via e siguiente 4 kanalnan :

01. VODI : Por “download” e aplikashon di Vodi riba bo mobil òf tablet i primi e boton pa vota.

02. Por vota tambe riba vote.missuniverse.com

03. Por “download” e aplikashon (“app”) di Miss di Miss Universe i primi pa vota riba e menu kaminda ta bisa “vote”.

04. Por “tweet” dor di usa #MissUniverse, #MissCuracao #ChanelleDeLau. Por "retweet" tambe.

Chanelle De Lau i Coridja Stars ta konta ku sosten di pueblo di Kòrsou.