Por kuminsá paga Prekario pa mira Karnaval 2017.


Tim di Prekario ta kuminsá ku trabounan di preparashon pa pueblo di Kòrsou por registrá i paga pa nan sitio pa mira Karnaval 2017. Personanan ku tabatin un pèrmit pa derechi di Prekario na 2016 por hasi nan pago di Prekario pa 2017 for di 19 yanüari. A repartí e fechanan di pago entre sekshonnan A te ku D. Dia 5 di febrüari ta delaster dia pa hasi e pago di Prekario. Si paga después di e fecha aki, personanan por pèrdè nan derecho di Prekario.

Na momentu di registrashon i pago mester tene na kuenta ku nos No por hasi pago sin pasa na ofisina di Prekario i haña aprobashon serka e tim tokante disponibilidat di e parsela. E registrashon ta enserá :

  • Konfirmá disponibilidat di parsela; 


  • Rekonfirmá datos serka personal di Prekario 2017; 


  • Tuma formulario pa por hasi e pago nesesario. 


Registrashon i pagonan mester tuma lugá konforme e skema athunto ku ta repartí den e sekshon nan A te ku D.

Personanan ku risibí pèrmit pa konstruí un stènt òf stèlazje riba ruta di Karnaval por kuminsá hasi esaki riba 11 febrüari 2017. Tur konstrukshon mester keda desmantelá pa mas tardá riba 5 mart 2017 promé ku 3.00 di atardi. E aña akí no ta posibel pa tuma inskripshonnan nobo debí na falta di espasio riba e ruta.

Pa informashon adishonal por tuma kontakto ku Tim di Prekario. E aña akí e ofisina di Prekario lo ta situá den e edifisio di Servisio pa Planifikashon Urbano (Ruimtelijke Ordening en Planning- antes DROV) pegá ku Radio Hoyer na Plasa Horacio Hoyer #19. Por alkansá e tim di prekario na number di telefòn: 510-5461 i 511-3952 òf via di koreo elektróniko na prekariokorsou2017@gmail.com.

E ofisina di Prekario lo ta habrí di djaluna pa djabièrnè for di 8or di mainta te ku 6or di atardi. Riba djasabra di 8or pa 4or di atardi i djadumingu di 2or di mèrdia pa 6or di atardi.