Minister hulandes enkargá ku asuntunan di Reino, Ronald Plasterk a informá Tweede Kamer riba inspekshon di Refineria Isla. Kòrsou a duna e kompania Fluor enkargo formal pa hasi e inspekshon i esaki a tuma lugá. A hasi e inspekshon huntu ku servisio di inspekshon di Kòrsou. Ekspertonan di ehekushon i inspekshon di Refineria Isla, Cru i Aqualectra a asesorá den esaki. E preparashon a konsistí di un “pre-audit” ku a tuma lugá den novèmber. Minister di Salubridat Victorina i representante di e tres kompanianan menshoná a forma parti di e “pre-audit”. A hasi bishitanan di preparashonnan na e kompanianan di inspekshon i a studia dokumentonan i informashon di e kompanianan. A traha un plan di akshon konkreto a base di e informashon ku a kompilá i a sigui ku e inspekshonnan “on-site”. Minister Plasterk a duna aprobashon pa ámtenarnan di Van Dam i Sliedrecht duna asistensia na Kòrsou.