Alemania i Fransia ke prolongá sanshonnan kontra Rusia.


Gobièrnunan di Alemania i Rusia ke pa prolongá e sanshonnan Europeo kontra Rusia keda. Kansier Angela Merkel i presidente François Hollande a anunsiá esaki. E dos lidernan ta di opinion ku tin muchu tiki progreso den e proseso pa yega na pas ku Ukraina Ost. Ta nesesario pa prolongá sanshonnan kontra Rusia, aunke nos ta kier a logra mas progreso, Merkel a bisa promé ku un enkuentro ku Hollande na Berlin. Hollande tambe a mustra su malkontentu tokante e kurso dje proseso, for di momento ku aña pasá a sera e akuerdo na Minsk. Ukraina, Rusia, Alemania i Fransia a akordá pa hasi esfuerso pa pas den e region kaminda rebeldenan pro-ruso ta na poder. E promé medidanan di sanshon kontra Rusia tabata na 2014 na momento ku Rusia a aneksá e península Krim. Estadonan di Union Europeo lo deliberá e siman aki si ta prolongá e sanshonnan.