Universidat di Kòrsou ku sinku proyekto nobo di investigashon.


Organisashon Hulandes pa Investigashon Sientífiko (NWO) a asigná sinku proyekto na University of Curacao (UoC). Un di e projektonan ta bilingwismo, alfabetismo i éksito na skol den region di Karibe. E proyekto ta ehekutá pa profesor Ludo Verhoeven di Universidat di Nijmegen, profesor Ronnie Severing i doctor Liesbeth Echteld di e Algemene Faculteit di UoC. Den e proyekto lo investigá e bilingwismo, alfabetismo i éksito na skol den enseñansa básiko na Papiamentu/Hulandes na islanan Aruba, Boneiru i Kòrsou. Finansiamentu di e proyekto i e kuater otronan ta pa e Ministerio Hulandes di Enseñansa, Kultura i Siensia. Pa UoC esaki ta nifiká un impulso grandi pa investigashon sientífiko. E otro kuater proyektonan di investigashon ta trata di kultura, siudadania, patrimonio i delinkuensia.