Minister Ronald Plasterk no a duna su aprobashon na e presupuesto di Sint Eustatius. E minister a indiká ku e presupuesto no ta kumpli ku eksigensianan legal. Kolegio Ehekutivo i Konseho Insular a risibí e desishon. Presupuesto 2017 di Statia no ta kumpli ku e eksigensianan di lei, pasó e presupuesto kalkulá pa e personal ta hopi pèrtá pa por kumpli na e kantidat total di personal. No a tene kuenta tampoko ku gastunan imprevisto, ni tampoko ku e gastunan ku a keda kalkulá pa ehekushon di e plan di maneho, pa ordená i kontrolá e problemátika gubernamental. Pues no tin fondo sufisiente presupuestá pa esakinan. Asina e ministerio di Asuntunan Doméstiko i Interno a indiká den un deklarashon. Kolegio Ehekutivo di Statia mester bai traha un presupuesto nobo pa presentá esaki na College Financieel Toezicht (CFT). CFT lo husgá ku esaki lo ta kumpli ku tur eksigensia legal. Despues Konseho Insular mester duna su konseho al respekto. Tanten ku Konseho Insular no ta disponé di un presupuesto aprobá, tur gastu ku gobièrnu ke hasi entrante promé di yanüari 2017, mester tin aprobashon di Minister Plasterk promé.