top of page

Apple no a pèrmiti e aplikashon Samsung Pay Mini riba su plataforma.


Na yanüari, Samsung Pay Mini lo mester a paresé riba e plataformanan pa tantu Android komo iOS, pero ta parse ku e kos no ta bai sigui mas. E aplikashon Samsung Pay Mini, ta un manera ku usarionan por hasi kompra ku nan “smartphone”, igual na Apple Pay. E usario por konektá e aplikashon na su karchi di kredito pa hasi pago i kompra. No ta konosí di kon Apple a desaprobá e èp, asina ETNews di Sur Korea a publiká. Un bosero di Samsung a bisa ku lo no bolbe hasi un intento pa e èp por denta tòg den e App Store di Apple. "Nos a disidí di dirigí nos mes riba “smartphonenan” ku Android," el a deklará. Samsung a desaroyá Samsung Pay Mini pa fasilitá pagonan den tiendanan ku tin riba internèt. Na òugùstùs Samsung a introdusí e medio nobo di pago den nuebe pais. Na Kòrsou ainda no por usa Samsung Pay Mini.

bottom of page