Den atake aéro masal, koalishon ta dal negoshi di zeta IS duru.


Den un atake aéreo masal, e koalishon ku ta bringa IS bou di guia di Merka, a dal e komèrsio di petróleo di IS hopi duru. Djabièrnè 9 di desèmber, e koalishon aki a destruí 168 trùk grandi ku ta transportá zeta. Te awor esaki ta e kantidat di mas grandi di trùknan di IS ku a logra destruí. Avionnan di guera a ataká e trùk aki den besindario di e siudat sirio Palmyra. Ku tipo di atakenan asina, e koalishon ta spera di afektá e grupo ekstremista finansieramente. Último añanan, IS a gana hopi plaka ku komèrsio di zeta.

Na promé instansia e táktika merikano tabata prinsipalmente pa bombardiá vèltnan petrolero. Pero awor ta ataká tambe hinter e kadena di produkshon, for di refineria te depósitonan i transporte, asina un funshonario merikano altu, di ministerio pa Asuntunan Eskterior a indiká.

“E petróleo den teritorio IS ta relativamente fásil pa pòmp saka fo’i tera. Bo no tin nodi di ta un genio. Pero si por logra kibra e infrastruktura eksistente, e orei IS ta bai atras na nivel di den siglo 17 i 18,” segun e funshonario merikano.