Marlins lo ta dispuesto pa ofresé Kenley Jansen un kòntrakt di 80 mion dòler pa sinku aña.


Tin papiá ku e ekipo di Florida Marlins ke ofresé hopi plaka pa e tòp closernan ku ta agente liber despues di resien temporada di béisbòl. Maske otro ekiponan ta pensa ku ya e tim di Miami ta kla kaba, Marlins ke segurá e deseo pa mehorá nan bullpen. Segun Ken Rosenthal di FOX Sports, timnan rival ta kere ku Marlins ta dispuesto pa ofresé Kenley Jansen un kòntrakt di sinku aña pa 80 mion. Debí ku Jansen a rechasá e oferta di Dodgers, pa firma e “closer, ta pone ku Marlins ta pèrdè nan promé opshon di ‘draft pick’. Sinembargo Marlins ta dispuesto na pèrdè e benefisio di ‘draft pick’ den e promé rònt, pa asina nan por trese Jansen den nan kurá. Florida Marlins mes ta bisa ku nan ta den deliberashon tokante e asuntu ei. Si esaki resultá manera hopi ta kere, lo e bira e suma mas haltu ku nunka promé un ekipo a yega di paga pa un picher “closer”.