Hèkernan a horta 29 mion euro for Banko Sentral rusiano.


Hèkernan a hòrta mas ku 29 mion euro for di kuenta di bankonan den Banko Sentral di Rusia, asina e agensia di notisia Reuters ta raportá. Un funshonario di e banko sentral rusiano a afirmá e notisia. Segun e funshonario, e hèkernan a purba hòrta 72 mion euro, pero no a logra. E no a bisa kon bin e ladronnan no a logra den nan intento pa hòrta mas plaka. E no a bisa tampoko ta kon e hèkernan por a haña aseso na e kuentanan di banko. Un poko mas tempran den e aña akí, ya e hèkernan a logra haña aseso na kuentanan dje banko sentral dor di imitá e kódigonan pa aseso di algun kliente. No ta konosí si e biaha aki nan a bolbe usa e mesun método.