Hapon a kuminsá deshasí di mas ku 300.000 galiña i patu, despues ku a deskubrí un variante hopi kontagioso di grip di para. E malesa ku a plama den finkanan na nòrt di Hapon, ta e proménan den kasi dos aña, asina outoridatnan lokal a bisa. Den e pueblo chikí, Sekikawa, na nòrt di e kapital Tokio, a kuminsá deshasí mesora di e galiñanan ku tabatin den un finka, despues ku a haña kuarenta para morto. E animalnan tabata kontagiá ku e viro ku ta okashoná grip di para. Poko mas leu na Aomori, a deshasí tambe di 16.500 patu, despues ku a konstatá ku algun di nan a tèst positivo pa grip di para.