A detené 11 sospechoso na Costa Rica pa asesinato di pareha ulandes.


Na Costa Rica a detené 11 persona, pa asesinato violento di un pareha ulandes. Esei medionan di prensa den e pais di Sentroamérika a mèldu. Algun tempu pasá a haña Hans Snelders i Sita Dhawtal, morto na Puntarenas. Ta un siudat na e kosta wèst di Costa Rica. E víktimanan su mannan tabata di bui i a tira nan mata. Probablemente e pareha tabatin algun ratu kaba morto, ora ku a deskubrí e kurpanan. Na aña 2007, e pareha a bai biba na Costa Rica. Nan tabatin un plantashon di palu di mahòk. E vitó di e plantashon, un hòmber di Nicaragua, tambe a keda asesiná. E ulandesnan i nan kolaboradó, kasi sigur a bira víktima di asesinato ku robo. Riba muraya di kas, tabatin un teksto satániko skibí, pero por ta posibel, ku esaki tabata djis pa despistá polisnan.