Korte a indiká ku dia 23 di febrüari próksimo lo trata den korte di apelashon e kaso pa trafikashon di droga Rizinia, kontra Burney ‘Nini’ Fonseca. Den korte di promé instansha a sentensia Fonseca na kuater aña di prizòn. E kaso a keda posponé pa por tende testigunan. Kuater di e shete testigunan a keda tendé, pero hues komisario mester tende tres di e testigunan ainda, di kuá un di nan no sa su paradero. Mester buska e testigu pa por interog’é. Esei ta e motibu tambe ku no por a trata e kaso di Fonseca. Un petishon di Fonseca pa libertat provishonal, mientras e ta warda tratamentu di su kaso, a keda rechasá pa korte. Fonseca ta será na Hulanda i no tabata presente durante tratamentu di su kaso, pero el a sigui esaki sí pa medio di “videoconference”.