Viètnam a konfiská 619 kilo ilegal di ivor.

Outoridatnan viètnames a konfiská un kargamentu di 619 kilo di ivor. E kargamentu a yega e pais ku barku for di Afrika. Den e dos lunanan ku a pasa, a dekomisá 4 tonelada di ivor. E ivor (marfil) tabata skondí den dos konteiner. A transportá nan pa e haf di Cat Lai, den sùit di e siudat Ho Chi Minh. Duana a konfirmá e kaptura, sinembargo no kier a duna mas detaye riba e kaso. Nan ta paketá e ivor den waks i ta klaba e kahanan sera ku klabu di palu na lugá di heru, pa despistá e aparatonan di skèn. Algun tempu pasá na Hanoi, kuarenta pais a bini huntu pa palabrá tokante kon por kontrarestá komersio ilegal ku animalnan salvahe. Viètnam ta un di e paisnan di mas grandi ku ta transportá ivor pa otro paisnan. E demanda pa ivor i e kachu di rinoseronte ta hopi grandi.