FIFA a suspendé visepresidente di bònt di futbòl di Qatar.


E bònt di futbòl mundial FIFA a suspendé Saoud Al-Mohannadi pa un aña i el a haña un but di mas o ménos 18.500 euro. E visepresidente di e bònt di futbòl di Qatar lo no kier a testiguá den un investigashon di FIFA. FIFA no ke bisa den kua investigashon Al-Mohannadi no kier a kolaborá. Al-Mohannadi mes mester a pasa dor di un ‘screening’ di un komishon étiko di FIFA. Awor ta bai wak si e mester keda kastigá tambe pa erornan ku a sali na kla durante di e investigashon. Segun FIFA e suspenshon no tin nada di aber ku e asignashon di e Mundial di Futbòl na Qatar na 2022. Al-Mohannadi ta un di e visepresidentenan di e federashon di futbòl asiátiko AFC.