Ctex a laga hopi debe atrás na Kòrsou.


E datacenter Ctex, ku e aña aki a bati bankrut, a laga un rasgo ku debe konsiderabel atras. Na kreditornan so, tin un debe di 11.7 mion, loke ta hopi mas ku tin den bukinan di e kompania, esta 9,5 mion. Esaki a keda publiká den e relato di bankarota di e apoderado. Na Servisio di impuesto i SVB tambe ta tin debe. 1.1 mion na impuesto ku no a kumpli kuné i respektivamente 600.000 ku no a paga na primanan sosial. Segun su konsepto tokante di e legitimidat, e apoderado, Arnold Huizing, no ta ekskluí ku aki lo ta trata di mal maneho. Ctex, Curaçao Technology Exchange N.V. a habri su portanan ofisialmente na mart 2014, ku un fiesta grandi.

E datacenter hipermodèrno na Mahuma, tabatin originalmente èks direktor De Lima komo úniko direktor. Aparte di ta un akshonista minoritario, e tabata “chief executive officer” i úniko miembro di direktiva i presidente di e direktiva. Despues, UTS komo akshonista a añadí miembronan na e direktiva i a deskubrí falisifikashon den e plan komersial. Esaki tabata motibu ku de Lima no por a keda mas na kabes di e Datacenter. E Datacenter mes a keda salbá.

International Data Gateway N.V. (IDG), a tuma e aktividatnan i e personal kompletu over. Ku nan derechi i obligashonnan, IDG tin komo nòmber komersial, E-Powerhouse i ta un filial di e kompania di telekomunikashon di gobièrnu, UTS. Un prosedura kontra de Lima, ku ta e dirigente anterior, “no ta oportuno”, segun e apoderado. Un kaso hudisial asina, no solamente ta eksigí muchu tempu, pero ta hopi kostoso tambe. E kreditornan ku a keda perhudiká, lo keda warda hopi largu riba un kontesta, pasó e prosedura probablemente lo keda bringá te na “Hoge Raad”. E apoderado ta bisa : “Ta interesante pa sa, si un diktámen na fabor di e inventario (Ctex) lo por keda ehekutá. For di investigashon a keda determiná ku De Lima no tin propiedat pa akapará”.