Avion ku a kai na Colombia ku ekipo di fútbòl di Brazil.


Segun outoridatnan, te ainda 76 persona a fayese den un aksidente areo ku a tuma lugá den oranan di marduga na Colombia. Den e avion tabatin 81 hende na bordo i el a kai den besindario di Medellín. Na bordo di e avion tabatin un ekipo di fútbòl di Brazil. E avion a sali for di for di Bolivia i algu promé ku mei anochi e aparato a kai den na momento ku e tabata bai baha na aeropuerto Jose Maria Cordova, ku ta keda den un area ku hopi seru. Segun outoridatnan entre esnan ku a sobrebibí tin tres hungadó di e ekipo Chapecoense di Brazil. Chapecoense ta hunga den e divishon maksimo di fútbòl na Brazil i despues di basta tempu nan a logra yega final di Copa America. E ekipo lo mester a hunga djarason awor kontra Atletico Nashonal di Medellín.

Debí ku den e área tin hopi awaseru, e tim di reskate por duna asistensia solamente via tera. Segun outoridatnan di aeropuerto di Medellín e avion a raportá ku nan tabatin problema élektriko. Segun BBC no a surgi kandela despues ku e aksidente a tuma lugá. Tabata trata di un avion tipo British Aerospace Avro RJ 85 di e kompania Lamia di Bolivia ku a kuminsá operá na aña 1999.