
Djabièrnè anochi masomenos mitar di diesun, e lider di e revolushon cubano, Fidel Castro a fayesé na edat di 90 aña. Asina su ruman i aktual presidente di Cuba, Raul Castro a bisa riba televishon di estado. Na 1959, e revolushon di Castro a pone un fin na e diktadura di Batista. E establesé un regimen komunista i kuminsá un relashon será ku Union Sovietiko (Rusia). Te ku 2008, Fidel a dirigí e isla ku man fuerte, pa despues pasa mando pa su ruman Raul. Den e último dies añanan, Fidel Castro tabatin basta problema ku salú. El a hasi vários operashon grandi i konstantemente e tabata disparsé for di mapa públiko. Pero kada biaha di nobo e tabata aperesé atrobe ku su opinion skèrpi i kritiko riba e enemigu etèrno di Cuba, Merka.

Ku tur probabilidat lo kima e restunan di Fidel Castro den kurso di djasabra. Pa djaluna i djasabra e ùrn ku e shinishinan lo ta na e monumento José Martí na riba e Plasa di Revolushon. Na e sitio pueblo cubano por tuma despedida di nan lider. Djamars anochi tin un manifestashon grandi programá riba e plasa, ku a bira popular pa e diskursonan di oranan largu ku Fidel a tira einan. For di djarason e ùrn ta biaha pa via e spor di trein dor di hinter e pais. Finalmente den fin di siman, e entiero tuma na e siudat di Santiago, ku ta pueblo na unda Fidel a lanta komo mucha. Gobièrnu cubano a anunsiá un periodo di luto di nuebe dia, durante kuá tur bandera den e pais lo ta hafstòk i programashon na radio i televishon lo ta adaptá.