A sera vários área den Banda Bou debí na hopi awaseru. (VIDEO/FOTO)


Awaseru a kai basta fuerte den e oranan di djabièrnè pa djasabra. Esaki a sòru pa inundashon na varios parti di Kòrsou. Pa e motibu ei, Minister Suzy Camelia Römer huntu ku Meteo i Obra Públiko a sera diferente área pa tráfiko.

Servisio Meteorológiko Kórsou a emití un boletin speshal pa alerta di awaseru, bos i welek speshalmente pa e área di Banda Bou. Tin hopi awa ta kai i esaki a kousa inundashon den sierto área manera Pannekoek, Bou Barber, Kloof i otro nan. Kloof ta mitar será. E via pa bai p'abou ta habrí i e via pa bai p'ariba ta sera nèt na e krusada pa bai Soemboe. Dilanti di Misa di Barber tambe ta será. Bou barber, Sta Cruz, Pannekoek i Lagun tambe ta será pa tráfiko.

Ta pidi outomobilistanan pa tene kuenta ku e kambionan aki. Tambe ta konsehá pa evitá di bai e área di Banda Bou mas tantu posibel. Tambe ta konsehá tur habitante di e bario pa tuma medidanan nesesario pa protehá nan bida i di nan famia na promé lugá i nan propiedat na di dos lugá.

Medidanan di prekoushon: - Mara ophetonan ku ta lòs pafó i pone bo mes i bo bestianan di kas den

seguridat. - No usa un depósito chikitu ni palunan aislá pa skonde. - No pasa dor di kayanan òf áreanan inundá, kaminda awa ta kuri. - Sali for di boto i alehá bo mes for di awa, si esei ta posibel. - Saka stèker di aparatonan elektróniko afó i no hasi uso di esakinan durante

di un evento di welek ku bos. Usa telefon solamente den kaso di

emergensia.

Áwaseru fuerte ku por kousa inundashon i/òf derumbe di tera i baranka den sierto parti di e isla. Bientu fuerte ku por pone ophetonan lòs bira un proyektil. Área bou di e nubianan di welek ku bos por ser kompañá pa bahamentu fuerte di aire. E bientu fuerte aki por kousa lokalmente sierto destrukshon riba su ruta.

Si bo kas ta yena ku awa yama polis na 911 òf brandweer 462 4300. Pa problema ku dam òf roi por yama 521 7800