Sürnam ta konsiderá pa eksportá awa.


Awa ta bira dia pa dia mas skars na mundu, miéntras Sürnam ta riku na awa. Esaki ta nifiká ku Sürnam tin e potensial pa hunga un ròl stratégiko den futuro. Den futuro, awa tin te asta e posibilidat pa surpasá aktividatnan di mina, oro i petroleo. Esaki debí ku e fuentenan di awa ta renobá nan mes kada bes i tin e kapasidat pa sigui eksistí pa míles di aña.

E empresa ulandes Amazone Resources, ke skibi historia dor di manda awa pa superfisie di Riu Coppename den un asina yamá “Flextank” i transportá esaki via laman pa Barbados. Eksportando awa di superfisie por generá sentenáres di miones riba un base anual pa Sürnam, asina Auke Piek, direktor di e empresa ta bisa. Sinembargo tin un kaminda largu pa bai ainda. Tantu Sürnam komo Barbados mester traha leinan pa hasi e produkshon komersial i eksportashon di awa di superfisie posibel.

Si resultá ku esaki ta posibel i viabel, e orei Amazone Resources lo buska un finansiamentu di entre 20 pa 50 mion euro pa sòru pa e fasilidat i infrastruktura nesesario pa e negoshi ambisioso aki.