E tormenta tropikal Otto, a alkansá forsa di orkan. El a yega velosidat di 120 kilometer pa ora i ta move den direkshon di Sentro-Amérika. Meteorólogonan a pronostiká ku e orkan, lo oumentá na forsa, asina Agensia di Prensa a anunsiá. Posiblemente Otto lo yega na e parti ost di Costa Rica òf Nicaragua den e dianan aki. Na Panamá ya kaba e orkan a kobra bida di tres persona. Colombia, Costa Rica i Nicaragua a alertá nan habitantenan ofisialmente pa e orkan. A evakuá 4.000 persona na Costa Rica. Nunka ainda un orkan no a yega tera di ningun pais di Sentro amérika, asina meteorólogonan ta duna di konosé.