Krimen na Jamiaca ta bahando. Den e periodo di yanüari pa sèptèmber 2016, kriminalidat a baha ku 20.2% kompará ku e aña anterior. Asina e direktor di Planifikashon Ekonómiko, Investigashon i Logístika na Instituto di Planifikashon di Jamaica (PIOJ), James Stewart a bisa den un konferensia di prensa. Ta trata di krímennan di kategoria unu, está asesinato, tiramentu, violashon, asalto grave, robo, kiebro i ladronisia. Segun direktor di e programa Vishon 2030, Elizabeth Emanuel, un total di 174 krímen pa kada 100.000 hende di e poblashon, a keda kometé den e periodo di 2016. Esaki ta un bahada di 218 punto, kompará ku e mésun temporada den 2015. Segun Emanuel, apesar di un oumento den kantidat di krímen pa e promé 9 lunanan di aña, krímennan por lo general a baha pa di seis aña konsekutivo.