Na Amsterdam, sentenáres a protestá kontra Zwarte Piet, mientras ku na Kòrsou Sanikolas a yega sin p


E aña aki tambe, algun shen demostrantenan a protestá riba beursplein na Amsterdam kontra Zwarte Piet. E demostrantenan ta haña Zwarte Piet un forma di rasismo. Polis di Amsterdam a tene kuenta for di promé, ku lo por surgi problema. Sinembargo tabata basta trankil rondó di e edifisio di Beurs. Oponentenan di Zwarte Piet a bai hues un siman promé, pasó nan ta haña e pietnan rasista i e karikatura di Zwarte Piet un falta di rèspèt pa e hendenan di desendensia di Afrika. Hues a rechasá e petishon pa kanselá e evento. Pues na entrada di Sanikolas, no por stroba e pietnan pretu di ta presente. Entre otro yunan di Kòrsou, Surnameo i afrikanonan na Ulanda a demostrá kontra e figura di Zwarte Piet.

Miéntras ku na Ulanda tabatin marcha di protesta te asta ku detenshon a kai, na Kòrsou mes a selebrá yega di Sanikolas ku su Zwarte Pietnan i tabatin algun Piet kolorido tambe a kompañá Sanikolas.