E pèrsèpshon ku hende muhé tin mihó memoria ku hende hòmber a keda afirmá un biaha mas pa sientifikonan. Den un investigashon vários hende hòmber i hende muhé entre 45 pa 55 aña, mester a purba kòrda sierto periodonan den nan pasado. Ademas a tèstnan tambe riba rekonosementu di kara di hende. E hende muhénan ku a partisipá na e investigashon a presta mihó ku e hende hòmbernan den e mesun kategoria di edat.Ta trata di un investigashon ku sientifikonan di e organisashon merikano pa menopousa, NAMS a hasi entre 212 persona. Hende muhé a skor mihó den tur e tèstnan. A publiká e resultadonan den e revista sientifiko Sleep Health, segun Medical News Today ta raportá.For di un estudio ku a hasi na 2015 a sali na kla kaba, ku hende tin mihó memoria ku hende hòmber, debí ku nan sesunan ta mas grandi. E área den sesu di hende muhé kaminda ta warda informashon, ta mas grandi ku esun di hende hòmber. Di otro banda, e mas resiente investigashon a saka afo tambe ku menopousa ta hasi daño na memoria di hende muhé.
