Trump University a yega na areglo di 25 mion dòler ku èks studiantenan.


Trump University a yega na un areglo pa paga 25 mion dòler den tres kaso ku tin den korte relashoná ku e instituto di estudio. Èks studiantenan ku a kuminsá ku dos kaso kolektivo lo haña un gran parti di e suma ei. Ku e areglo tur e kasonan den korte kontra Trump University ta for di mesa. Algun siman pasá, abogadonan di Trump a pidi pa posponé e tratamentu te despues di inougurashon di Trump komo presidente nobo di Merka. E èks-studiantenan ta haña ku nan a keda gañá ku pretekstonan falsu pa partisipá na un estudio den kuá un grupo chikí lo a siña tur e sekretunan tokante kon pa hasi negoshi di Donald Trump. E èks studiantenan ta menshoná ku nan a paga e universidat 35.000 dòler pa nan patisipashon. Segun dokumentunan di korte, Trump tabatin 93% di Trump University den su poder i outoridat riba e kosnan di mas importante. Donald Trump a rechasá esei i a duna di konosé ku el a laga na otronan pa tuma desishon. Según Eric Schneiderman, e prokuradó general di New York ku a kuminsá e kaso, tin mas ku 5000 persona ku a bira víktima di e estafa, ku a kosta masomenos 40 mion dòler.