Promé Minister di Canada bou di kritiká debí na promesa ku el hasi na Trump.


E promé minister kanades, Justin Trudeau, a hañ’é den un kontroversia, pasó el a bisa Donald Trump, ku e ta dispuesto na kambia e akuerdo di komersio liber NAFTA. Tantu oposishon komo miembronan di koalishon tabatin kritiká fuerte riba Trudeau su aktitut slap. Trudeau lo a reakshoná ku pániko riba e eskoho di e elektorado merikano pa e populista Trump komo e presidente nobo di Merka.

E protekshonista Trump, a kritiká akuerdonan di komersio liber den su kampaña i yama e palabrashonnan malisioso. Según Trump e akuerdonan ta kosta Merka hopi plaka i kuponan di trabou pa merikanonan mes. For di 1994, e akuerdo Nort Atlántiko di Komersio Liber (NAFTA) ta den funshon. Ta un akuerdo komersial entre Canada, Mèksiko i Merka.

Vários polítiko a bisa ku nan ta hañ’é inkomprendibel ku e promé minister a kuminsá papia kaba riba e tema durante su promé kòmbersashon na telefòn ku Trump. Ku ya el a indiká na presidente elekto merikano ku no tin niun problema pa negosiashonnan nobo tokante NAFTA.