Ehérsito Colombiano ta mata dos kombatiente FARC.


Durante e lucha ku e rebeldenan den nòrt di e provinsia Bolivar, ehérsito di Colombia a mata dos gueriyero di FARC. Den luna di sèptèmber, gobièrnu a sera un akuerdo di pas ku FARC. Presidente Juan Manuel Santos, a risibí e premio Nóbel di Pas pa su esfuersonan. Resientemente pueblo di Colombia a rechasá e akuerdo, pasó nan ta haña ku e rebeldenan ta sali muchu fásil for di akuerdo. E partidonan a yega na un akuerdo nobo, pero ainda mester aprobá esaki.

Te ora e rebeldenan keda desarmá, tin palabrá ku nan lo keda biba den teritorionan indiká. Segun ehérsito, e rebeldenanan ku sòldánan a tira, tabata ekstorshoná hende den un region na 68 kilometer di distansia for di e lugá indiká pa e rebeldenan biba.