Polis a bolbe detené un sospechoso relashoná ku asesinato di un agente polisial hulandes na Boneiru. Segun ministerio públiko, esaki ta di ocho sospechoso ku ta keda arestá en konekshon ku e kaso aki. Dia 18 di ougùstùs último un agente polisial di 45 aña ku tabata traha na Boneiru for di 2013 a keda tirá i a fayesé despues di un balasera ku kriminalnan. Huntu ku un kolega el a bai na un kas pa atendé un kaso di atrako ku a tuma lugá. E viktima a fayesé despues na hospital. E persona ku a keda detené awor, ta un hòmber boneriano. E tim di investigashon a tene un redada na kas di e sospechoso. Ministerio Públiko su tarea ta pa investigá si e sospechoso ta envolví den e kaso i di kua manera. Anteriormente ya a detené seis venezolano i un boneriano.