Prizòn di Kòrsou ta bin ku medidanan di seguridat mas riguroso.


Prizòn na Kòrsou ta pone reglanan mas skèrpi, pa ora detenidonan ta kome huntu ku nan bishitantenan. Ademas a amplia tambe seguridat ku muraya di koriente, vigilansia di kámara i aparato pa listra i eksplorá kurpa (bodyscans). Den un deklarashon, direktor di prizòn, Urny Floran a bisa ku e detenidonan ku ta prepará na mes kuminda den kushina, no tin mag di kome esaki mas, dilanti di nan bishitantenan. Motibu di e medidanan pa mas seguridat na e instituto di detenshon i korekshon, ta pasó sa skonde droga òf otro artíkulo den kuminda i kos di bebe.

Ounke tin seguridat di kámara den prizòn, tòg e detenidonan ta sinta kome ku famia i tin e posibildat di mishi ku otro i asina interkambia “kos” di un pa otro. Hopi biaha tambe detenidonan ta laga e lugá kaminda ta reuní ku famianan, sushi i ta personal di SDDK mes mester limpia e sitio.