Hues Eunice Saleh ta bira presidente Korte Komun di Hustisia pa Aruba, Kòrsou, St. Maarten i islanan

Entrante promé di yanüari, Eunice Saleh ta sigui Evert Jan van der Poel komo presidente di Korte Komun. Na 1984, Saleh a kaba su estudio VWO na Radulphus College i a bai studia Lei na Rijksuniversiteit Leiden. Na 1991 el a terminá su estudio ku éksito. Despues el a traha sinku aña komo abogado tantu na Ulanda i aki na Kòrsou. Na 1996 el a kuminsá su estudio di “Rechterlijk Ambtenaar”. Despues di e estudio aki, el a bira miembro di Korte di Hustisia na 1999. For di 2009, Saleh ta vise presidente i miembro di direktiva di Korte, enkargá ku direkshon riba e Kortenan di Promé Instansia na Kòrsou i Boneiru. Dia 27 di yanüari 2017, Eunice Saleh lo keda instalá ofisialmente despues di su nombramentu pa Resolushon Real. Euncie Saleh ta bira e di dos presidente femenino di Korte di Hustisia, despues di Lisbeth Hoefdraad ku a sirbi komo presidente promé ku Evert van der Poel. E tata di Eunice Saleh, Jaime Saleh, tabata presidente di Korte di 1979 te 1990.