Entrada hudisial na Samsung despues di skandal polítiko rondó di presidente di Sur Korea.


Den e siman aki, outoridatnan sur-koreano a hasi un entrada hudisial den Samsung na Seoul. Segun agensia di prensa Yonhap ta investigando si e empresa a duna yudansa finansiero na yu muhé di un konfidente di presidente Park Guen-hye.

Na e momento akí e presidente di Sur Korea ta involukrá den un skandal polítiko tokante metementu di su konfidente Choi Soon-sil den asuntunan di gobièrnu. Hustisia ta investigá si Samsung a pone 2,8 mion euro disponibel pa un empresa di Choi i su yu muhé. Segun Yonhap lo a usa e plaka pa paga e training di kabai di e yu muhé. E yu muhé ta miembro di e ekipo di koredónan di kabai nashonal di Sur Korea.

E akusadónan ta buska datonan riba e lasonan entre Samsung i e federashon koreano di koredónan di kabai. Ta sospecha e federashon di a kambia regla, pa asina faboresé e yu muhé di Choi.