top of page

Kandela serio den edifisio di Curaçaosche Courant na Saliña. (VIDEO)


Nèt promé ku mèrdia a surgi un kandela basta serio den Saliña, den e edifisio di De Curaçaosche Courant N.V. De Curaçaosche Courant ta un di e imprentanan mas bieu na Kòrsou. E imprenta ta responsabel pa drùk vários korant ku ta sali tur dia na Kòrsou.

Na momentu ku e kandela a surgi vários bratwer a akudí na e sitio. E edifisio tabata saka basta huma i loke ta hasi e situashon mas peligroso ta e hecho ku tin hopi edifisio pegá riba otro den e area. No ta konosí ainda kiko lo por tabata kousa di e kandela. No sa ainda tampoko ki repèrkushon e kandela ku a surgi lo tin pa e korantnan diario ku ta imprimí serka e negoshi. De Curaçaosche Courant ta eksistí for di 1812.

bottom of page