A surgi un buelta nobo den oranan di djasabra, entre partidonan ku ta den negosiashon pa e yega na un gobièrnu nobo pa Kòrsou. PS ku tambe a firma e akuerdo di disponibilidat ku MAN, PAR i PNP, ya no ta forma parti di e proseso. E tres partidonan lo a yega na un akuerdo nobo ku UKH di Omayra Leeflang. Den un publikashon riba su página di Facebook e parlamentario a konfirmá ku el a firma un akuerdo ku e partidonan i ta kla pa goberná. Informenan èkstra ofisial ta papia di e siguiente repartishon di karteranan : MAN lo haña tres minister :
1. Minister-Presidente i Asuntunan General
2. Enseñansa, Siensia, Kultura i Deporte
3. Finansa
PAR lo haña tres minister :
1. Ekonomia
2. Salubridat/Naturalesa/Medio Ambiente
3. Desaroyo Sosial, Labor, Bienestar
PNP lo haña dos minister :
1. Transporte, Tráfiko i Infrastruktura
2. Hustisia
UKH - Un Kòrsou Hustu (Leeflang) lo haña ún minister :
Gobernashon, Planifikashon i Servisio (BDP) Aki por lesa konfirmashon di e partisipashon di UKH den formashon di e gobièrnu nobo.
Aki por mira e karta a keda firmá pa parlamentario. Falta algun pa firma.
