Djadumingu anochi dilanti un bon públiko den stadion Ergilio Hato, e ekipo di Centro Dominguito a a gana Scherpenheuvel i bira kampion di kopa MCB pa loke ta e divishon máksimo di fútbòl na Kòrsou. E partido a kaba 2 pa 1 na fabor di Centro Domiguitu. Na di 32 minüt den e promé tempu, Stallone Isenia ta habri e markadó pa Centro Dominguitu ku e promé gol. No a duna muchu, ku Benjamin Gil Guedez a empatá e partido pa Scherpenheuvel na minüt 35. Tabata den e di dos tempu na minüt 85, ku Randall Winklaar ta anotá e gol desisivo pa hasi Centro Dominguitu kampion di Kòrsou i Scherpenheuvel sub-kampion.
