Papa no ta kere ku hende muhé por bira pastor den futuro.


Papa Francisco no ta premirá ku den futuro hende muhé por bira pastor. El a bisa esei den e siman akí, den kombersashon ku un periodista den su avion. E papa ta haña ku hende muhé, den hopi kos ta mihó ku hende hòmber, pero si ta pa é, pastor sí nan lo no bira. “E último palabra ya a ser bisá dor di papa Huan Pablo II i asina lo e keda,” Papa Francisco a bisa.

Un periodista ku a bula ku e papa di Suesia pa Roma a puntr’é si e tabata ke men ku nunka, pero nunka esei lo sosodé. Papa a kontestá: ”Si nos lesa e deklarashon di papa Huan Pablo II koutelosamente, ta parse ku t’asina”. Su kontesta ta kuadra ku doktrina di iglesia, pero nunka promé Papa Francisco a yega di bis’é asina sigur. E deklarashon ta remarkabel, pasobra e Papa argentino den hopi kos ta mas liberal ku su antesesornan.

Na 1994 Papa Huan Pablo II a skibi ku iglesia no tin outoridat pa ordená hende muhé komo pastor i ku tur fielnan di iglesia semper lo tene nan mes na esaki. Hende muhé ta ekskluí pa e trabou akí, pasó Hesus a skohe solamente hende hòmber pa ta apòstel.

Oponentenan di e maneho ta trese dilanti ku den tempu di Hesus esei tabata algu komun, pero ku iglesia den siglo 21 no por skapa.

Na ougùstùs Papa Francisco a instalá un komishon ku mester studia awor e ròl di hende muhé na prinsipio di Iglesia Katóliko Romano. E gesto akí a duna algu di speransa na katólikonan ku ta boga pa mas igualdat entre hende hòmber i hende muhé den e instituto.