Desèmber Tiger Woods ta bèk riba kancha di gòlf.


Dia promé di desèmber Tiger Woods, despues di periodo di hopi leshon, ta hasi su reentrada na World Challenge riba e kancha di gòlf na Bahamas. For 2015 e merikano a sufri un leshon na su lomba. Último ei el a anunsiá ku e ta kla pa bin bèk, pero no a logra. Woods, ku tabata number un di mundu, awor ta na number 18 entre e partisipantenan den e World Challenge. E torneo no ta forma parti di PGA Tour, sino ku ta trata un torneo di su mes Tiger Wood Foundation. Den un deklarashon Woods a bisa: “Mi ta ansioso pa hasi mi reentrada den e tremendo torneo akí. Esaki ta nos di diesocho edishon i tur aña nos ta logra di trese e mihó hungadónan di gòlf di e temporada ku a pasa, riba kancha.”

Tres siman pasá Woods a kanselá na último momentu pa e Safeway Open na California. “Mi wega ta vulnerabel i no ta ainda na e nivel ku e mester ta.” Na ougùstùs 2015 tabata e último biaha ku, e 14 biaha ganadó di un Major, a hunga su último torneo grandi. For di e tempu ei el a hasi dos operashon di lomba i tabata rekuperá poko poko.