Prince Michael Jackson, yu hòmber di e kantante Michael Jackson, ku a fayesé na 2009 a drenta farándula komo produktor di videomusikal. Daweps Jackson a bisa Los Angeles Times ku el a lanta su propio empresa ku yama King's Son Productions. E ta debutá ku un klep di e rèper Omer 'O-Bee' Bhatti su tema “Automatic”.
“Tabatin músika den gran parti di mi bida,” asina Jackson a bisa. For di chikí ya Prince Michael tabata bisa su tata ku un dia e ke bira produktor. “Mayoria hende lo a pensa ku kisas lo m’a bai kanta o baila, pero mi no por niun di dos,” según Prince. For di 2015 e yu di Michael Jackson ta studia ekonomia na universidat di California.