Tin indikashon ku formashon di gobièrnu na Kòrsou a pega.


Aparentemente e kuater partidonan MAN, PAR, PNP i PS ku ta den proseso pa forma un gobièrnu nobo, no por yega na un akuerdo pa loke ta repartishon di tareanan i kuantu minister kada partido ta haña. Segun fuentenan yegá na e proseso, Kenneth Gijsbertha a retirá for di mesa di negosiashon. Ta parse ku e reto mas grandi ta Pueblo Soberano su eksigensia pa haña dos minister. E otro tres partidonan, esta PAR, PNP i PS ke bai reuní mas pronto posibel pa disidí kon ta sigui. Un dje problemanan den e proseso ta, ku ta difísil pa repartí 9 minister den 4 partido, debí ku e dos partidonan mas grandi MAN i PAR tin 4 asiento i esnan mas chikí PNP i PS ámbos 2 asiento. Den kaso ku MAN i PAR ámbos haña tres minister, esei lo nifiká ku ta sobra tres minister pa parti entre PNP i PS. Den último dianan a presentá diferente senario pa tòg por yega na un akuerdo. Un dje senarionan ta si MAN eksigí un di kuater minister, PAR lo a haña tres i dos minister ta bai pa PNP i PS. Te ku djaweps ta papia di un repartishon di tres minister pa MAN, tres pa PAR, dos pa PNP i un pa PS, pero PS no ta duna sosten na esaki. Miéntras e partidonan ku ta aktualmente den e proseso no por sali afó ainda, ta surgi rumornan, di un formashon alternativo ku KdnT i MFK.