METEO ta anunsiá Kódigo Oraño i ta vigilá pa mal tempu.


METEO ta anunsiá Kodigo Oraño i ta vigilá pa mal tempu. Servisio Metreológiko ta alertá pa posibel mal tempu. Balido entre entre 8am pa 4pm. METEO ta pidi pa tene kuenta ku e orario duná ta un balotashon ku no ta indiká e ora eksakto. E ta djis duna un indikashon.

IMPAKTO:

Áwaseru fuerte ku por kousa inundashon i/òf derumbe di tera i baranka den sierto parti di e isla. Ta spera posiblidat di bientunan fuerte ku por pone ophetonan lòs bira un proyektil. Área bou di e nubianan di welek ku bos por ser kompañá pa bahamentu fuerte di aire. E bientu fuerte aki por kousa lokalmente sierto destrukshon riba su ruta. MEDIDA DI PREKOUSHON: Mara ophetonan ku ta lòs pafó i pone bo mes i bo bestianan di kas den seguridat. No usa un depósito chikitu ni palunan aislá pa skonde. No pasa dor di kayanan òf áreanan inundá, kaminda awa ta kuri. Sali for di boto i alehá bo mes for di awa, si esei ta posibel. Saka stèker di aparatonan elektróniko afó i no hasi uso di esakinan durante di un evento di welek ku bos. Usa telefon solamente den kaso di emergensia.

DEFINISHONNAN: Un Boletin Spesial ta ser emití pa eventonan di wer ku ta kousa inkonbeniensia general òf preokupashon den pueblo (ku ta rekerí atenshon i akshon di outoridatnan di brantwer i polis) i ku no por ser deskribí na un manera adekuá den un pronóstiko di tempu regular.

Un Vigilansha pa Mal Tempu ta un anunsio pa ora ku mal tempu ta posibel (chèns di 30 pa 50%) denter di próksimo oranan.