“Resurrection” (Resurekshon) ta título di e pelíkula nobo ku Mel Gibson lo produsí. “Resurrection” ta kontinuashon di e pelíkula di “The Passion of the Christ”. Asina e aktor a bisa den un entrevista durante di The Late Show.
E pelíkula lo trata e resurekshon di Hesukristu i e akontensimentunan rondó di esaki, asina The Hollywood Reporter a raportá. Gibson no tin intenshon di konta e istoria kronológikamente. "Esaki lo por resultá hopi laf, ya ku e públiko a lesa e historia kaba. Pero kiko mas a tuma lugá?” E produktor lo traha huntu ku outor di guion, Randall Wallace riba kontinuashon di su éksitoso pelíkula di 2004. Mel Gibson ta kere ku e mester di algun aña mas. "Mi ta kere probablemente aki tres aña, e pelíkula aki lo ta kla, debí ku e ta un tópiko grandi,” asina Gibson a bisa. Na 2004 “The Passion of the Christ” a produsí 612 mion dòler nò entrada rònt mundu. Produkshon dje pelíkula e tempu ei a kosta 30 mion dòler.