Gobièrnu venezolano ta optimista pa dialogo ku oposishon.


E alkalde di e kapital venezolano di Caracas, Jorge Rodríguez, a sigurá ku gobièrnu di Nicolás Maduro, ta obligá na ta optimista pa ku e diálogonan ku e dirigentenan di oposishon. For di luna di mei 2016 e alkalde a bin ta promové e echo ku semper ta mihó pa papia, ku rekerí na violensia. Jorge Rodriguez ta atvertí ku tin un sektor violento den e kapital, ku ta pèrsistí na krea kaos. A kontratá vários frankotiradó pa marcha di oposishon ku tabata planiá pa djaweps. A kanselá e marcha, debí ku gobièrnu a liberá algun prezu polítiko.

E alkalde a bisa ku ya kaba por kuminsá mira resultado di e negosiashonnan. Suspenshon di e marcha pa bai Miraflores ta un di nan. Ademas el a menshoná tambe e hecho ku a bandoná e idea pa bini ku un huisio polítiko kontra di presidente Maduro. "Semper ta mihó papia, ku rekurí na violensia. Semper ta mihó interkambiá argumentonan, ku interkambiá bala,” asina e alkalde di Caracas a ripití. El a atvertí sinembargo pa e dòbel kara di dirigentenan opositor. Ademas tin gruponan violento ku ta keda den e diligensia opositor. E hecho ku a plania pa kontratá frankotiradónan pa aktua durante e marcha ta un akshon iresponsabel di e dirigentenan opositor. Lo a surgi sigur un konfrontashon ku e venezolanonan ku ta defendé Maduro i ku ta reuní ku regularidat na e lugá ei.