Sigur 75 porshento di e piet nan ku lo kompañá Sanikolas durante su yegada na Amsterdam dia 13 di novèmber próksimo lo no ta pretu. Asina un bosero di e komishon organisadó di Sanikolas na Amsterdam a bisa. Despues di un reunion ku e pietnan, mayoria a skohe di pinta nan kara un otro koló ku no ta pretu. Segun e organisashon hendenan ta kansá di e diskushon di Sanikolas i di Zwarte Piet. A kuminsá ku kambionan den e imágen di Zwarte Piet na 2014 pa motibu di stigmatisashon negativo. Na 2015 kaba Zwarte Pietnan ta tin solamente manchanan di rut riba nan kara.