Den mardugá di djarason tabatin temblor atrobe na Italia. E parti mei mei di Italia ku den e último dianan a sufri di basta temblor, a keda asotá atrobe, pa un temblor ku forsa di 4.8 riba skala di Richter, asina e agensia di notisia ANSA a raportá. Según media italiano, e episentro tabata na Pieve Torina, ku ta keda 51 kilometer for di Perugia. E temblor tabatin un profundidat di apenas 10 kilometer. Nòrmalmente no ta konsiderá un temblor ku forsa 5, komo unu pisá, pero e hecho ku e no tabata muchu profundo ta hasi e area ku e por kubri mas amplio. No ta konosí ainda, kuantu daño e temblor a kousa. Apenas algun dia pasá, djadumingu ei, tabatin un temblor di 6.5 na Norcia. I promé ku esei tambe a registrá temblornan di 5.5 i 6.1 den e area. For di e dia ei, ya a registá vários temblor chiki, komo parti di e post efektonan.