Presidente Santos a kuminsá ku bishita ofisial na Reino Uní.


Djamars último, Reina Isabel II i e prínsipe di Edimburgo a risbí Presidente di Colombia, Juan Manuel Santos i su esposa María Clemencia Rodríguez de Santos. Asina e pareha a kuminsá e bishita di estado na Reino Uní. Den oranan di mèrdia e Reina i Prínsipe Felipe a risibí Presidente Santos den e pasio real, na sentro di Londres. Djis alu promé ku esei, e Prínsipe di Gales i e Dukesa di Cornualles a yega Hotèl Rosewood. Einan e Embahador di Colombia na Reino Uní, Néstor Osorio, a hiba nan e lugá kaminda Presidente Santos tabata. Prínsipe di Gales i Dukesa di Cornualles a saludá e Presidente di Colombia i su señora den representashon di e Reina i e Prínsipe di Edimburgo. Na yegada na e pasio real, e mandatario kolombiano a saludá Guardia kompañá pa e prínsipe Felipe di Edimburgo. Miéntras tanto, e Guardia di Onor a rindi onor na Presidente Santos i a zona e Himno Nashonal di Colombia. Esaki ta promé biaha ku Presidente Santos ta bishita Colombia.

Durante e promé parti di e bisita, Presidente Santos, tabata invitá pa e reina i Duke di Edimburgo na e galeria di foto, pa por mira e piesanan di e kolekshon real di arte. Mas lat, Presidente Santos a bai Abadía di Westminster. Einan el a saludá e Dekano i e integrantenan di e kuerpo kolegiado di Iglesia Anglikano. Ademas, e hefe di estado colombiano, a pone un ofrenda floral tambe na graf di e sòldá deskonosí.