Den sèptèmber, preisnan a baha na Kòrsou ku 0.4 porshento.


E indèks di preis pa konsumidó a baha ku 0.4 porshento den sèptèmber 2016. Kompará ku e mes un periodo aña pasa, preisnan a baha ku un averahe di 0.5 porshento, segun sifranan di CBS. E desaroyo general di preis ta mustra ku tres kategoria di gastu a bira mas karu. E kategorianan ta rekreashon, desaroyo i edukashon (+0.7%), alimento (+0.3) i paña (+0.1%). Den sinku kategoria di gastu kosnan a bira mas barata: bibienda (-1.1%), transporte i komunikashon (-0.8%), alkohòl i tabako (-0.2%), muebel pa kas (-0.1%) i kategoria sobrá (-0.1%). Por último e kategoria di gastu ‘salubridat’ a keda stabil. E bahada di tarifa di elektrisidat i gasolin ku respektivamente 7 i 6 porshento tabatin e impakto mas grandi riba e kategorianan di gastu.