Prinsès Amalia ta posibel nòmber pa brùg nobo na Skalo. (VIDEO)

Despues di basta aña, porfin e brùg chikí ku tabata konektá entre Plasa Nobo i e edifisio di MCB na Skalo, ku a disparsé i a keda remplasá pa un brùg nobo. E brùg ta situá na entrada di e laguna di Waaigat. Pronto peatonnan no tin nodi di kana te na Brùg Wilhelmina (Brug di Skalo) pa por yega na Plasa Nobo. Por klek riba foto pa wak imágen grandi.

Tin pensá pa duna e brùg nobo akí, nòmber di un miembro di famia di noblesa. Nunka anterior e brùg no tabatin un nòmber, debí ku e no tabata un brùg ofisial. E mesun kompania ku a restourá L.B.Smithbrug (esun hel ku shinishi) pegá ku e barkunan venezolano, a traha e brùg nobo tambe.

Dia 6 di novèmber ta sera e brùg, debí ku tin e “duck race” organisá pa Rotary Club, den Waaigat. Dia 10 di Novémber lo inougurá e brùg ofisialmente. Ta e intenshon pa duna e brùg nòmber di Prinsesa Amalia, ku ta yu di Rei Alexander i Maxima.