Na 2017 e aktor Robert De Niro lo risibí e premio Chaplin di The Film Society of Lincoln Center na New York. Esaki a keda partisipá resientemente durante e festival di pelíkula di New York. For di aña 1972 ta otorgá e premio na un aktor òf direktor di pelíkula. E aña aki e ganadó di e premio tabata Morgan Freeman. Ganadornan den pasado tabata entre otro Meryl Streep, Alfred Hitchcock, Sean Connery, Tom Hanks i Al Pacino. E direktor di The Film Society of Lincoln Center a bisa ku e presensia di De Niro den su pelíkulanan ta asina poderoso ku ora bo mira su ròl den pelíkulanan manera Mean Streets, The Godfather Part II, Raging Bull i tambe su ròl den su mas resien produkshon Silver Linings Playbook, bo por konkluí kon diversifiká i dediká e aktor ta pa ku su trabou.