A haña kokaina i alkohòl den kurpa di e beisbolero José Fernández.


Un investigashon toxikológiko a konkluí ku e pelotero José Fernández tabatin kokaina i alkohòl den su kurpa, ora ku el a fayesé luna pasá, den un aksidente ku boto, asina CNN a raportá. E picher di Miami Marlins di 24 aña, tabatin dos biaha e kantidat di alkohòl pèrmití, ora e e aksidente fatal a tuma lugá banda di Miami Beach. E morto di Fernández a shòk e mundu beisbòlero.

Na kuminsamentu di siman pasá a proklamá Fernández komo e “comeback player” di aña pa Liga Nashonal. E kubano, ku ocho aña pasá a hui for di su pais natal, tabata ku dos amigu riba un boto ora ku esaki a dal den baranka i bòltu. Tur okupante a fayesé. Segun investigashon nan tabata stür e boto deskabeyá, pero no ta muchu kla ta ken ta esun ku tabata stür. A haña alkohòl den sanger di e amigunan di Fernández tambe.